Arrestohet i arratisuri nga gjykata e Vushtrrisë

Mbrëmë rreth orës 21:45 në Mitrovicë tri ditë pas arratisjes nga gjykata e Vushtrrisë, Gëzim Baliaj, 26 vjeçar, është lokalizuar dhe arrestuar nga policia. Arrestimi i G.Balijajt është realizuar me sukses nga Njësitë Speciale Operative të Policisë së Kosovës, të rajonit të Mitrovicës, ndërsa bashkë me të janë arrestuar edhe katër persona të tjerë, të cilët tentuan të pengonin arrestimin e tij. Ekipet reaguese të NjSO kanë intervenuar në një lokal në fshatin Zhabar të Mitrovicës, gjegjësisht në një shtëpi private, e cila ndodhej buzë rrugës magjistrale Mitrovicë – Koshtovë. Në katin përdhese Policia e Kosovës ka identifikuar të fshehur prapa banakut të arratisurin G.Baliu. I njëjti është vënë nën arrest të policisë dhe bashkë me të edhe pronari i lokalit, një 26 vjeçar.