Aksidenti, tre të lënduar rëndë

Podujevë, 12 prill

Në një aksident komunikacioni që ka ndodhur në udhëkryqin e magjistrales Podujevë-Merdar, lëndime trupore kanë marrë shtatë persona. Në këtë aksident janë përfshirë dy vetura të tipit “Golf-3” dhe shtatë persona janë lënduar rëndë dhe lehtë. Në Qendrën kryesore të Mjekësisë Familjare në Podujevë mjeku Fejsal Mehmeti ka thënë se në këtë aksident tre persona kanë marrë lëndime të rënda, ndërsa katër të tjerë lëndime të lehta. Të lënduarit janë transportuar për në QKUK në Prishtinë për tretman të mëtejmë shëndetësor. Ndërsa pjesëtarët e PK-së kanë dalë në vendin e ngjarjes për të bërë hetimet e duhura lidhur me aksidentin. Vlen të ceket se në komunën e Podujevës brenda dy ditësh ky është aksidenti i dytë më shtatë të lënduar. Në të dy aksidentet e komunikacionit janë lënduar gjithsej 14 persona.