Dështon koncerti i Busta Rhymes

Koncerti i shumëpritur i reperit amerikan me famë botërore, Busta Rhymes, i paraparë që të mbahej sonte në sallën "1 Tetori", nuk është mbajtur.
Sipas burimeve të Telegrafit të pranishme në koncert, mijëra fansa kanë qenë në pritje më se dy orë për reperin Busta Rhymes, i cili nuk është shfaqur në skenë.

Kjo ka irrituar publikun që ka filluar të hedhë kanaqe në drejtim të njërit prej organizatorëve, teksa ai po ua kumtonte të pranishmëve lajmin se Busta nuk ka ardhur fare në Prishtinë.

Koncerti i reperit amerikan pritet të mbahet jo më larg se nesër sipas organizatorëve, por vështirë që kjo të ndodhë, pasi është më se e pamundur që të mblidhet një masë aq e madhe e fansave dhe atë brenda dy ditësh.

Koncerti ka pasur edhe efekte tjera 'anësore'. Pos dëshpërimit të madh të të rinjve, ka ndodhur edhe një aksident zingjiror ku besohet të jenë të përfshira me dhjetëra vetura. Nuk ka të lënduar nga ky incident.