Fushë Kosovë, shoferi e mbyt këmbësorin me veturë

Sot rreth orës 09:30 minuta në magjistralen Prishtinë – Pejë, saktësisht në Fushë Kosovë, ka ndodhur një aksident trafiku me pasoja vdekjeprurëse, ku ka humbur jetën një këmbësor (këmbësori) D. Hoti (mashkull, 34 vjeç).

Zyra për Informim e Policisë së Kosovës, njofton se në aksident është përfshirë një veturë e tipit WV Cady me targa të Republikës së Kosovës, një Traktor IMT si dhe këmbësori D. Hoti.

Aktualisht hetuesit rajonal të trafikut po punojnë me intensitet të shtuar për sqarimin e të gjitha rrethanave që kanë sjellë deri te ky aksident tragjik.

Ngasësi i automjetit A.B. (mashkull 37 vjeç) është arrestuar nga policia dhe po mbahet në Qendrën Rajonale të Ndalimit në Prishtinë, përderisa trupi viktimës është dërguar në Institutin e Mjekësisë Ligjore për autopsi.