Kinezi tërhoqi 25 kilogramë bletë në trupin e tij

Një garë shumë e pazakontë është mbajtur në qytetin Shaoyang të provincës Hunan në Kinë. Dy bletarë garuan se cili do të tërheqë më shumë bletë në trupin e tij. Fitoi 42 vjeçari Wang Dalin të cilit iu ngjitën 26 kilogramë bletë në trup.
Të veshur vetëm me nga një palë brekë të shkurta Dalin dhe 20 vjeçari Lv Kongijang ia filluan garës, Me anë të amzave ata tërhiqnin bletët tjera, por më i suksesshëm u dëshmua bletari më plak dhe me më shumë përvojë.

Dalin për 60 minuta arriti të tërheqë 25.8 kilogramë bletë në vete, derisa Kongjiang tërhoqi 22.9 kilogramë. Kjo garë e pazakontë tërhoqi shumë njerëz, por ata për dallim nga bletarët, kryesisht bartnin syze dhe rroba mbrojtëse, shkruan Daily Mail.