Nigeri, Al Qaeda sulmon zyrat e OKB-së, 16 të vrarë

Të paktën 16 persona kanë humbur jetën nga shpërthimi në kompleksin e Kombeve të Bashkuara në Abuja të Nigerisë. Kryqi i Kuq nigerian njoftoi se nga ky sulm kanë vdekur të paktën 16 veta, ndërsa janë plagosur dhjetëra të tjerë.
I njëjti burim shprehu drojën se numri i viktimave mund të jetë më i madh, meqë disa trupa janë larguar para se Kryqi i Kuq të arrinte në vendin e ngjarjes.

Dëshmitarët kanë thënë se kamioni i mbushur me eksploziv ka shpërthyer në hyrje të kompleksit. Disa pjesë të ndërtesës, ku ndodhej pjesa më e madhe e zyrave të OKB-së, janë shkatërruar.

Ndërkohë grupi ekstremist Boko Haram, i cili ka lidhje me Al Qaedan, ka marrë përgjegjësinë për shpërthimin.