Obama kërkon përgatitje për tu mbrojtur nga uragani

Presidenti amerikan, Barack Obama, u ka bërë thirrje amerikanëve të marrin masa të menjëhershme dhe të respektojnë urdhrat për evakuim, në kohën kur uragani Irene ka përfshirë bregun lindor të Shteteve të Bashkuara.
“Mos prisni, mos vononi. Ne të gjithë shpresojmë për më të mirën, por duhet të përgatitemi për më të keqen”, tha Obama.

Erërat e këtij uragani pritet të arrijnë në brigjet e North Carolina të shtunën, para se të nisen drejt Washingtonit dhe New Yorkut.