Dy të vrarë në Gjakovë

P. I., profesor dhe A. S., mjeke, janë gjetur të vdekur në
mëngjesin e të hënës në banesën e cila gjendet në kodrën e Çabratit, në
Gjakovë. Motivi i vrasjeve ende nuk bëhet i ditur ndërkohë që, rasti po
hetohet nga Njësiti i Hetimeve Rajonale të Pejës.


“Me datë
17.10.2011 është raportuar se në kodrën e Çabratit, rruga ‘Martinë
Camaj’, janë gjetur dy trupa të pajetë. Patrulla policore nga Stacioni
Policor në Gjakovë, menjëherë i është përgjigjur rastit. Në vendngjarje
janë vërejtur dy persona të lënduar nga armë zjarri, të cilët nga plagët
e marra kanë vdekur”, citon RTV21 fjalët e kapitenit policor, Bekim Avdiaj.

Njoftohet se gjatë ekzaminimit të vendit të ngjarjes janë gjetur 6
gëzhoja dhe në dorën e djathtë të viktimës mashkull, P.I., rreth 34
vjeç, i lindur dhe banues në fshatin Bec të Gjakovës, është gjetur arma e
tipit “Revolver colt. cal. 38 special”, ndërsa viktima tjetër e këtij
rasti është, A. S., 27 vjeçe, nga Gjakova.Trupat e pajetë, pas
ekzaminimit të vendit të ngjarjes janë dërguar për autopsi në
Laboratorin e Institutit Mjekësisë Ligjore në Prishtinë, ndërsa rasti do
të hetohet dhe procedohet nga organet përkatëse