Tërmet i fortë në Turqi

Një tërmet 6.6 ballë sipas shkallës Rihter ka goditur provincën turke të Vanit, në pjesën perëndimore të vendit, në afërsi të kufirit me Iranin. Sipas Institutit Gjeologjik turk, lëkundjet janë regjistruar në orën 12.41.

Bëhet e ditur se epiqendra e tërmetit ka qenë në fshatin Tabanli. Sipas mediave lokale, shumë shtëpi janë shembur dhe vazhdojnë ende të ndihen lëkundje të lehta.

Tërmetet në Turqi janë shumë të shpeshta. Në vitin 1999 humbën jetën rreth 20 mijë persona nga dy tërmete të forta në veriperëndim të Turqisë. Ndërsa gjatë këtij viti vdiqën 2 persona dhe 79 të tjerë u plagosën për shkak të një tjetër tërmeti në veriperëndim të vendit.