Eklipsi i shfaqur në Azinë Lindore dhe në perëndim të SHBA-ve

Një pamje e veçantë është shfaqur në qiejt mbi Azinë lindore dhe pjesën
perëndimore të Shteteve të Bashkuara. Për pak minuta hëna mbuloi pjesën
më të madhe të diellit duke krijuar një unazë të zjarrë në qiell.

Eklipsi
mund të shikohej në disa pjesë të Azisë sot në mëgjes ndërsa në Shtetet
e Bashkuara u vërejt gjatë mbrëmjes së djeshme. Qindra dhe në disa
raste mijëra vetë u mblodhën në mjedise të hapura dhe në observatorë
astronomikë në pika të ndryshme të globit për këtë spektakël të natyrës.
Shumë njerëz përdorën syze të posaçme për të mbrojtur sytë gjatë kohës
që shikonin qiellin.

Hëna mbulon rreth 95 për qind të diellit
gjatë këtij eklipsi. Në Shtetet e Bashkuara një fenomen i tillë u vërejt
18 vjet më parë, transmeton VoA.