Rita Ora, 11 tatuazhe në trup

Rita Ora po bën nam me këngët e saj, me temperamentin dhe ritmet e
zjarrta të vallëzimit të saj. Me hitet si “Hot right now” dhe “How We
Do” vajza me prejardhje nga Kosova nuk ka të ndalur. Shihet qysh tash:
Viti 2012 do të jetë definitivisht viti i Rita Orës.

Por
jo vetëm kaq. Rita 21 vjeçe, të cilën e krahasojnë gjithnjë më shumë me
Rihanna-n, ka edhe një gjë të përbashkët me këngëtaren 24 vjeçare nga
Barbadosi: Shijen për tatuazhet. Ajo ka një numër të madh tatushë në
pjesë të ndryshme të trupit.

Pjesën e epërme të krahut ia
zbukuron një figurë e perëndisë antike greke të dashurisë, Afroditës.
“Në krahun tim të majtë është Afrodita, perëndeshja greke e dashurisë
dhe ajo mban zemrën time në duar. Ky ishte tatuazhi im i tetë dhe më i
dashuri ndërsa gjithsej kam 11 tatu", citon shtypi gjerman Rita Orën.

Në
kyqin e dorës ajo ka një tatu të spirancës, e cila sipas saj simbolizon
“ lidhjen me tokën dhe fuqinë”. Në gishtërinjtë e saj Rita ka tatuazhe
me fjalë si “Love”, “Promise” etj. në krahun e djathtë ka të shkruar
emrin e motrës, aty afër emrin e shoqes më të ngushtë etj.

Edhe veshët e Ritës janë tashmë “të zënë”. “Mbrapa veshëve e kam shenjën e zodiakut të shigjetarit dhe shkronjën R!