Pacolli: Edhe në vitin 2009 u vodh vota e AKR-së

Lideri i Aleancës Kosova e Re, Behgjet Pacolli, ka kritikuar
mbarëvajtjen e procesit të zgjedhjeve lokale të 15 nëntorit, duke thënë
se edhe kësaj here është abuzuar dhe manipuluar me votat e AKR-së
sikurse në zgjedhjet e vitit 2007. Gjatë një konference
për media të mbajtur të enjten, Pacolli ka thënë se AKR-ja do të
vazhdojë betejën juridike për të qenë koshient me qytetarin dhe
shtetbërjen e Kosovës.

“Në vitin 2009 po ndodh e njëjta gjë. AKR-ja u vodh prapë vota e AKR-së
u abuzua vota e sovranit, e cila e votoi, e cila ishte për AKR-në u
abuzua. Por, këtë radhë duam të jem të hapur me qytetarët, se liderët
politik ende e jam për ata që Kosova mos te ndahet në feude, Kosova mos
të ndahet në regjione të ndryshme siç tentojnë disa liderë të partive
tjera. Ky popull me gjithë ato vuajtje, gjithë varfërinë nuk e meriton
këtë ndarje, nuk e meriton këtë qeverisje dhe këtë situatë”, ka
theksuar Pacolli.

Për më tepër Pacolli ka theksuar se AKR-ja do të vazhdojë betejën
juridike deri në fund për të qenë me qytetarin dhe shtet-bërjen e
Kosovës.

Ai ka shtuar se zgjedhjet lokale të nëntorit dëshmuan se Kosova është
larg idealeve të qenit shtet demokratik, ndërsa shprehu përkushtimin se
AKR si parti politike do të mbetet gjithnjë e përkushtuar dhe në
aleancë me qytetarin, duke punuar për të mirën e tij