Protestat kundërqeveritare nisin edhe në Algjeri

nga **AnG3L-E** Sat Feb 12, 2011 1:37 pm

Turma e demonstruesve kundër-qeveritarë është tubuar në kryeqytetin algjerian, megjithë paralajmërimet e qeverisë që të mos tubohen.

Raportohet për përleshje ndërmjet protestuesve dhe forcave policore, të cilat ishin pozicionuar për të parandaluar protestën kundër presidentit Abdelaziz Bouteflika. Ky i fundit ndodhet në pushtet që nga viti 1999.

Protesta vjen një ditë pas përmbysjes së presidentit egjiptian, Hosni Mubarak.

Kryengritjet popullore thuhet se po përhapen edhe në pjesë të tjera të botës arabe.

Grupet opozitare në Bahrejn kanë bërë thirrje për protesta të hënën, kundër diskrimiminit të pakicës shiite nga sundimtarët sunitë të Mbretërisë.