Në Afganistan vritet një këshilltar i presidentit Hamid Karzai

Në Afganistan është vrarë edhe një bashkëpunëtor i ngushtë i presidentit Hamid Karzai.
Ish-guvernatori i provincës Urusgan, Xhan Mohammad Chan u vra në shtëpinë e tij në Kabul, njoftoi policia afgane.

Përgjegjësinë për vrasjen e morën përsipër talebanë radika-islamistë. Fillimisht të martën në Kandahar u vra gjysmë-vëllai i presidentit, Ahmed Wali Karzai.

Në Afganistan ka filluar dorëzimi i përgjegjësive prej ISAF-it tek trupat vendase. Në provincën e Bamianit përgjegjësia për sigurinë dhe rendin kaloi në duart e policisë dhe të ushtrisë afgane.

Deri tani aty qenë të stacionuara njësi të vogla ushtarake nga SHBA, Zelanda e Re dhe Singapori. Bamiani është provinca e parë nga 7, në të cilat trupat ndërkombëtare do të dorëzojnë këtë muaj përgjegjësitë tek afganët.