Vriten 24 ushtarë dhe policë në Turqi

Së paku 24 ushtarë dhe policë janë raportuar të vrarë në një
sulm ndaj forcave të sigurisë në Turqinë juglindore, që dyshohet të jetë
kryer nga rebelët kurdë.Raportet e mediave lokale kanë bërë
të ditur se 18 ushtarë të tjerë janë plagosur kur militantët nga Partia
e Punëtorëve të Kurdistanit, sulmuan disa vende në provincën Hakari,
pranë kufirit me Irakun.

Nuk ka pasur komente të menjëhershme nga ushtria turke, por raportet e
mediave thanë që komandot turke kaluan kufirin në Irakun verior për të
ndjekur rebelët që po iknin.

Me të dëgjuar për këtë sulm, kryeministri turk, Recep Tayyip Erdogan,
ka anuluar një udhëtim të planifikuar më parë për Kazakistan.

Sulmi është njëra nga rebelimet më të përgjakshme që ka parë Turqia ndër vite.