“Ringjallet” Tupac Shakur

Snoop Dogg dhe DR. Dre e kanë “rikthyer” nga vdekja reperin
Tupac Shakur për një paraqitje të përbashkët në skenë në vikendin e parë
të Festivalit Coachella, të dielën mbrëma.2Pac është
paraqitur si një hologram në skenën e festivalit pas një performance
përkujtimore të hitit të tij “California Love” dhe, pas një interpretimi
“të frikshëm” solo të këngës “Hail Mary”, yllit të ndjerë i janë
“bashkuar” edhe Snoop dhe Dr Dre në këngën “Ain't Nothin' Like A Gangsta
Party”.



Snoop-i i vërtetë (në të majtë) dhe 2Pac i vizualizuar (në të djathtë) duke performuar së bashku

Në skenën e festivalit janë ngjitur edhe reperë si Eminem, 50 Cent,
Wiz Khalifa dhe Kendrick Lamar, ndërsa atyre u është bashkuar edhe
Warren G për të nderuar reperin tjetër të ndjerë Nate Dogg.

Snoop ka performuar hitin “Ain't No Fun (If the Homies Can't Have
None)” me Warren G, derisa në prapavijë janë shfaqur foto të Nate Dogg .

Eminem ka kënduar këngën “I Need a Doctor” menjëherë pasi u bë
nderimi për Tupac Shakur dhe më pas i është bashkuar mentori të tij Dr.
Dre për këngën “Forgot About Dre”.

50 Cent është ngjitur në skenë me anëtarin e G-United, Tony Yayo, për
një performancë të “P.I.M.P.” dhe “In Da Club”, dhe Wiz Khalifa i ëshët
bashkuar Snoopit për të performuar hitin tjetër “Young & Wild &
Free”.

Artistët do t’i përsërisin performancat e tyre edhe vikendin e ardhshëm (20-22 prill).

Paraqitja në versionin “e shpirtit” e Tupac ka nxitur reagime të
përziera nga fansat, një pjesë e të cilëve nuk u ka pëlqyer kjo gjë,
edhe pse pjesa më e madhe kanë qenë të ngazëllyer nga kjo mënyrë e
nderimi që i është bërë reperit.

Në vazhdim video e performancës së “të ringjallurit” Tupac Shakur, të shoqëruar në skenë nga Snoop e Dr. Dre.