Nevojitet konsolidimi i procesit zgjedhor

Zëvendëskryeministri Hajredin Kuçi ka pritur të enjten në takim përfaqësuesit e BE-së, Thomas Boserup dhe z. Nikolai Vulchanov, ekspertë për reformën zgjedhore në Kosovë, me të cilët ka diskutuar për tri fusha të procesit zgjedhor që në të ardhmen kanë nevojë të reformohen.

E para ka të bëjë me fushën legjislative; me procesin e apelimit, si dhe çështja e kompetencave të Komisionit Qendror Zgjedhor, të partive politike dhe të individëve të tjerë.

“Ne kemi një pajtueshmëri që këto janë pengesa, në të cilat duhet të punojë Qeveria e Kosovës bashkë me ekspertët vendorë dhe ndërkombëtarë. Kemi pajtueshmëri që kjo reformë zgjedhore ka nevojë të ketë një ambient të përshtatshëm edhe me subjektet e tjera politike në Kosovë, dhe besoj që është një plan ambicioz nëse themi që këtë reformë do të arrijmë ta bëjmë brenda këtij viti”, ka thënë Kuçi.

Thomas Boserup ka pohuar se Komisioni Evropian mbetet i përkushtuar për të përkrahur institucionet e Kosovës në konsolidimin e procesit zgjedhor