AAK fajeson lideret per moslirimin e Hajradnit

Aleanca për Ardhmërinë e Kosovës ka fajësuar tre liderët kryesore të vendit si përgjegjës për moslejimin e Ramush Haradinajt të mbrohet në liri.Ahmet Isufi, nënkryetar i partisë, tha se as presidenti, as kryeministri e as kryeparlamentari nuk e kanë bërë një shkresë të vetme, e cila do ta mbështeste garancinë që EULEX-i ka dhënë për lirimin e Haradinajt.Pas një mbledhjeje të Këshillit Drejtues të AAK-së, është shprehur shqetësim për refuzimin nga Gjykata e Hagës të kërkesë për mbrojtje në liri të kryetarit të kësaj partie.AAK pret që rigjykimi i ish-kryeministrit të Kosovës të mbahet sa më shpejtë që është e mundur dhe ai të kthehet i pafajshëm pranë familjes.Po ashtu, Këshilli Drejtues i AAK-së ka lëshuar një deklaratë ku vlerëson se Rezoluta e Asamblesë së Përgjithshme të OKB-së po hap një etapë të re të bisedimeve me Serbinë prandaj AAK kërkon që agjenda e bisedimeve duhet paraprakisht të debatohet dhe miratohet në Kuvendin e Kosovës.Aleanca për Ardhmërinë e Kosovës rikonfirmon qëndrimin e vet se Kosova assesi nuk duhet të bisedojë me Serbinë rreth tre çështjeve themelore – statusi politik, tërësia territoriale dhe statusi i veçantë për serbët e Kosovës.