Chevrolet Spark, “vogëlush” për merak

Klasa e ultra kompaktëve, vogëlushëve të qytetit është tashmë me shumë përfaqësues, po asnjëri në këtë segment nuk ka qenë më dominant sesa Chevrolet Spark. Me gjeneratën e re, shumëçka lidhur me të është ndryshuar. Modeli themelor në mënyrë standarde vjen me gjashtë jastëk të ajrit dhe me ABS, derisa ESP mund të jetë në dispozicion vetëm me pagesë shtesë.Falë shasisë së fuqishme, dhe me sigurinë e përmirësuar aktive dhe pasive, Spark në Euro NCAP crash-testet i meritoi pesë yje. Edhe ergonomia është në nivel të detyrës, dhe për automobilin i cili është i gjatë 3.640 mm, dhe 1.597 mm i gjerë dhe 1.522 mm i lartë duhet të pranojmë se disponon edhe bagazhin bukur të madh prej 170 litra, i cili me palosjen e ulëseve të pasme rritet deri në 560 litra.Ky vogëlush e ka motorin, 1.2-litra katërcilindërsh me benzinë prej 81 KF dhe ai tingëllon më “i shpejti” se sa që shkon në realitet, por kjo nuk do të thotë që Spark nuk siguron vozitje argëtuese. Me daljen në rrugën e hapur vjen në pah zhurma gjatë shpejtësive më të mëdha, si dhe “anemia” e veturës së vogël, kështu që është e nevojshme që të planifikohet tejkalimi eventual. Spark për këtë më së miri gjendet në qytet.Timoni është shumë i lehtë për manovrim, që do të mund ta vlerësojnë ata që vozitja e përditshme u kërkon manovrime nëpër rrugët e ngushta dhe nëpër tollovi.