Televizori LED i Toshibas punon edhe me bateri

Nëse u ndalet rryma aq shpesh sa që u pengon shikimi i programit televiziv, sigurisht do t’u duhej të thirrni shpesh elektricistin, madje, në rastin tonë, edhe të nervozoheni me KEK-un. Mirëpo nëse kjo nuk ndihmon, gjithmonë mund të blini një nga televizorët e rinj LED të Toshibas me bateri të integruara.Seria e re televizorëve LED të Toshibas quhet Power TV dhe vjen në dy variante: një me ekran të diagonales 24, e tjetri 32 inç.Bateria e integruar ofron rreth dy orë autonomi, që mjafton të shihni pjesën e mbetur të ndeshjes së futbollit, si p.sh. ajo e sotshme “El Classico”, nëse në pjesën e dytë u ndalet rryma.Veç mundësisë së punës me bateri, televizorët e Toshibas nga kjo seri veçohen për shpenzimin e ulët të energjisë, optimizimin automatik të fotografisë varësisht nga sasia e ndriçimit në hapësirë si dhe fotografinë e avancuar në rastet e pranimit të dobët të sinjalit. Ideal për Kosovën tonë të dashur!