TrueView ofron YouTube pa reklama

YouTube sot ka filluar zyrtarisht me TrueView, formatin e ri reklamues i cili përdoruesve u mundëson të kapërcejnë reklamat të cilat atyre nuk u interesojnë.Bëhet fjalë për formatin të cilin YouTube është duke e testuar për një kohë të gjatë, por sigurisht është i ndryshëm nga shumica e gjërave me të cilat përdoruesit janë mësuar. Në momentin që reklama e formatit TrueView të nis, përdoruesit do të shohin numërimin prej pesë sekondash. Si të përfundojë ky numërim, në ekran do të shihet shigjeta e cila do t’u mundësojë atyre të kapërcejnë reklamën apo të vazhdojnë ta shohin atë deri në fund.Projekti është paksa i çuditshëm për parimet e ingranuara, por YouTube thotë se rezultatet janë premtuese. Reklamuesit paguajnë vetëm ato reklama që përdoruesit nuk i kapërcejnë, që së paku teorikisht do të nënkuptonte që njerëzit të cilët do të shohin reklamat do të janë më të interesuarit për produktet që ofrohen.Dukë marrë parasysh se bëhet fjalë për një format tërësisht ndryshe nga ata të cilët përdoruesit janë mësuar, ndoshta është tepër herët të thuhet se sa ai do të jetë efikas. TrueView ka edhe një risi, lejimin e përdoruesve të zgjedhin reklamat të cilat do të shohin. Kjo gjë nuk është veçanërisht revolucionare, bëhet fjalë për një format të cilin Hulu e ka nisur qysh para dy vitesh.Po ashtu, jo të gjitha reklamat do të publikohen në TrueView, sepse reklamuesit mund të zgjedhin nëse duan ta ofrojnë reklamat e tyre në këtë format apo atë të cilin përdoruesit nuk mund ta kapërcejnë