Dha dorëheqje pasi shkeli dordolecin

nga **● E.D.W-M ●** Sat Dec 18, 2010 9:20 pm

Studentët e xhiruan shoferin e autobusit i cili mizorisht shkeli në rrugë një dordolec prej bore dhe videon e publikuan në YouTube. Shoferi pas publikimit të videos u detyrua të jepte dorëheqje.

Në fakt ai dha dorëheqje pasi në video shihet duke vozitur në anën e gabuar të rrugës duke e “rrafshuar dordolecin për toke”. Incidentin e xhiruan studentët e konviktit Urban në Institutin e Illinoisit, të cilët kishin punuar dordolecin prej bore në mes të rrugës për të parë reagimin e shoferëve.

Në video shihet një automobil i cili me shkathtësi kalon “pengesën” në rrugë, ndërsa në anën tjetër vjen një autobus i cili e godet direkt dordolecin.

Në video dëgjohen edhe studentët që “vdesin” së qeshuri. Videoja është publikuar në internet më 4 dhjetor, ndërsa e kanë titulluar “Shoferi i çmendur vret brutalisht dordolecin”.

Pas publikimit të videos shoferit nuk i kishte mbetur rrugë tjetër përveç se të jepte dorëheqje