Francezët kampionë për tradhëti

nga **Albii** Tue Dec 21, 2010 11:52 pm

Katër prej dhjetë francezëve të cilët janë në martesë i kanë tradhëtuar apo mendojnë se janë në mundësi për ta bërë këtë, tregoi hulumtimi që agjencia “Ispos” e ka publikuar në internet sajtin për njoftim “Gliden”.
Gjithsej 17 për qind e të anketuarve, prej të cilëve dyfish më shumë janë burra, kanë pranuar se i kanë tradhëtuar partneret, derisa 20 për qind e tyre kanë thënë se pa dyshim do ta bënin atë.
Çdo i dyti francez ka deklaruar se do t’ia falte tradhëtinë bashkëshortes. Pjesëtarët e gjinisë më të fortë siç duket janë gjithnjë e më shumë të prirë ndaj tradhëtisë, meqë 62 për qind e tyre kanë deklaruar se do ta falnin tradhëtinë, derisa për një hap të këtillë janë të gatshëm vetëm 54 për qind e grave.
Hulumtimi njëherit është zbatuar në Francë, Itali dhe Spanjë. Thuajse në të gjitha vendet janë fituar rezultate identike, përveç asaj që italianët kanë treguar se janë më të papërgatitur për të falur tradhëtinë.