Gjithçka gati për “Miss Universe Kosova”

Nesër (e shtunë) në “Sheshin 21” nën organizim e kompanisë “Art Motion” dhe në bashkëpunim me Fadil Berishën do të mbahet edicioni i katërt i bukurisë në Kosovë “Miss Universe Kosova”.

Agron Selimi, drejtor i kompanisë “Art Motion”, ka theksuar për të përditshmen kosovare “Zëri” se të gjitha gjërat janë në fazën përfundimtare.

“Ne jemi duke punuar intensivisht dhe deri tash gjithçka po ec mirë. I gjithë grupi punues janë të angazhuar duke punuar në detyrat e tyre. Besojmë se do të jetë një spektakël shumë i bukur edhe për shikuesit por edhe për teleshikuesit të cilët do ta përcjellin drejtpërdrejtë në TV21”, ka thënë Agroni.

“E mira e këtij edicioni është se kemi vajza nga pothuajse të gjitha trevat shqiptare si dhe nga diaspora. Pra shihet se interesimi i konkurrenteve ka qenë i gjithanshëm dhe kjo do ta bëj edhe më madhështor këtë spektakël”.

“Të 20 vajzat janë shumë të bukura sa që besoj se do të këtë punë të vështirë edhe juria për të zgjedhur vajzën më të bukur e cila do të përfaqësojë shtetin tonë në garën botërore ‘Miss Universe 2011’ që do të mbahet në Brazil”, u shpreh ai.

Sipas tij në këtë spektakël vajzat do të sfilojnë tri herë, fillimisht me fustane të shkurtra, pastaj në bikini, dhe së treti me fustane solemne. “Më pas do të bëhet përzgjedhja e dhjetë bukurosheve më të mira, të cilat edhe një herë do të bëjnë një sfilatë dhe pastaj do të bëhet përzgjedhja e çmimeve kryesore” ka përfunduar Agron Selimi.

Favoritja kryesore për ta fituar garën “Miss Univese Kosova” është këngëtarja dhe modelja Afërdita Dresha