E “nxehtë” dhe seksi

Arben Gjinaj

Dimër apo verë, kjo ka pak rëndësi, këngëtarja Valza Bajra gjithmonë shfaqet e “nxehtë” dhe seksi. E tillë do të jetë edhe në këngën dhe videoklipin më të ri me titull “Badihava” i cili do të përurohet sonte (
e premte) në mbrëmje në mesin e miqve dhe shoqërisë së saj në pub-in “Big houese” në Prishtinë.
Duke treguar për bashkëpunëtorët e këngës, Valza theksoi se kënga është e zhanrit dance - regaton. “Tekstin e këngës e ka shkruar Aida Baraku, muzikën Florent Boshnjaku, kurse videoklipin e kam realizuar me produksionin ‘Imagine’”, pohon ajo për “Zërin”, ndërsa tregon edhe vendet se ku është xhiruar klipi.
“Një skenë e videoklipit është xhiruar në nje kafene.....Videoklipi është shumë i mirë dhe unë jam tepër e kënaqur me punën që ka bërë produksioni”, shtoi ajo. Valza e cila ka tri vite që është bërë pjesë e estradës sonë muzikore duke realizuar këngë dhe videoklipe të shumta, është e bindur se kënga “Badihava” do të jetë kënga më e suksesshme në karrierën e saj... “Mendoj se në secilën këngë, këngëtari mëson më shumë, vjen më profesionalisht në skenë dhe di se çfarë të punoj. Prandaj, duke pas parasysh bashkëpunëtorët e këngës të cilët më kanë punuar këtë këngë, mendoj se kjo do të jetë edhe kënga më e mirë në karrierën time”, tregon ajo ku gjatë këtij klipi paraqet edhe talentin e saj për vallëzim.... “Deri më tash nuk jam shfaqur shumë duke vallëzuar, më shumë jam paraqitur si një vajzë agresive, ndërkaq në këtë klip përveç vallëzimit,shfaqem edhe si vajzë më e butë”, pohon Valza, e cila theksoi se edhe në daljet e saj nëpër pub-e, ajo nuk mund të rrijë asnjë minutë pa vallëzuar. “Mund të rri 3 orë në diskotekë, por asnjë minutë ulur”, shprehet ajo.....

E njohur për tekste unike


Bajra njihet për tekstet unike të saj ku fabulat e të cilave pothuajse gjithnjë kanë të bëjnë me meshkuj
“Teksti i këngës ‘Badihava’ bën fjalë kinse për një mashkull i cili sillet ka te sillet por prapë vjen tek unë”, sqaron këngëtarja tekstin e këngës. Valza Bajra gjatë ditëve të ardhshme mendon të udhëtoj për në
Amerikë tek disa familjarë të saj, ndërkohë ato ditë ajo do të i shfrytëzon edhe për koncerte që organizohen për bashkatdhetarët tanë atje.
Në mars premton se do të sjell një baladë, kurse gjatë verës një duetme një reper kosovar, emrin e të cilit nuk dëshiron ta publikojë. Në planet e saj për këtë vit është realizimi i albumit të parë të saj si dhe pjesëmarrja në një festival shqiptar.