Tejkalimi i shujtave pështjellon zorrët

Nëse vëreni se keni mundim, keni vjellje, stomaku është i fryrë, detyrimisht shkoni te mjeku ngase mund të bëhet fjalë për një pështjellim të zorrëve, sëmundje e cila ekskluzivisht shërohet me operacion dhe nëse nuk reagoni me kohë mund t’ju kushtojë me jetë. Kjo nuk do të thotë se çdo simptomë e ngjashme duhet t’ju frikësojë, por se duhet të shkoni te mjeku kjo është e sigurt.

Kjo është një gjendje akute që fillon papritmas dhe me atë rast vjen deri tek ngecja në lëvizjet që përmban kanali i zorrëve.

Këtu shfaqen obstruksione të zorrës së hollë dhe asaj të trashë. Tek personat më të moshuar se 55-vjeç, pengesë shfaqin tumoret.

Mjekët theksojnë se duhet pasur kujdes në vërejtjen e simptomave. Ngërçe të dhimbshme, fryrja e stomakut, ndërsa më pas shfaqen edhe mundim dhe vjellje.



Diagnoza para operacionit

Diagnostikimi vërtetohet pasi kirurgu kontrollon të sëmurin dhe në bazë të fotografimit të stomakut. Të dhënat laboratorike nuk janë specifike, por nganjëherë tregojnë shkallën e çrregullimeve dhe peshën e sëmundjes.

Shërimi në shumicën e rasteve është kirurgjik. Shërimi kirurgjik nënkupton largimin e shkaktarit dhe vendosjen e punës së rregullt të zorrëve, që nganjëherë paraqet problem, sidomos atëherë kur nëse pacienti ka pasur edhe intervenime të tjera në stomak.



Regjimi në ushqim

Shërimi në mënyrë të drejtpërdrejtë varet nga pesha e operacionit. Duhet pasur kujdes në regjimin e përdorimit të dietës.

Pemët dhe perimet duhet shmangur në muajin e parë.

Po ashtu, ushqimi në muajin e parë duhet të jetë i pasur me proteina shkaku i metabolizmit dhe përmirësimin e fuqisë së pacientit. Gjithashtu nevojitet konsumim i lartë i lëngjeve, rreth dy litra brenda ditës. /reuters/