Disa minuta pas fikjes së cigares fillojnë dëmet për organizmin

Konsumi i duhanit dëmton shëndetin e njeriut vetëm disa minuta pasi ta keni fikur cigaren, theksojnë shkencëtarët amerikanë.

Studimet e fundit tregojnë se duhanxhinjtë me të vërtetë duhet të fillojnë të mendojnë seriozisht se si t’i shmangen kësaj shprehie të dëmshme. Në të vërtetë, kemikalet që shkaktojnë kancerin formohet shumë shpejt, pasi ta keni fikur cigaren.

Studimi ishte botuar në revistën ‘Chemical Research in Toxicology’, e cila tregon se shkencëtarët edhe një herë kanë vërtetuar se kurrë nuk është vonë të ndërpritet pirja e duhanit.

Për një kohë të gjatë është vërtetuar se duhani shkakton sëmundjet e zemrës, kancerin dhe sëmundjet e mushkërive. Me këtë hulumtim të ri është vërtetuar se dëmi në organizmin e njeriut fillon vetëm disa momente pasi ta tymosni cigaren.

Në studim kishin marrë pjesë 12 vullnetarë, tek të cilët ishte vëzhguar mënyra e ndikimit të duhanit, pasi që ata e kishin pirë cigaren.

Hulumtimi ka treguar se nevojiten vetëm 15 deri 30 minuta pas konsumit të cigares që kemikalet të fillojnë të ndikojnë në trup dhe të shkatërrojnë ADN-në.

Shkencëtarët kanë theksuar se studimi do të duhej të ishte vërejtje për të gjithë duhanxhinjtë, por edhe për ata që deri nesër mund ta fillojnë pirjen e duhanit.

“Të gjithë e dimë që kanceri shkakton kancerin në mushkëri, por ky studim tregon se ky proces nuk fillon pas 30 vjetëve, por vetëm pas 30 minutave”, tregon Martin Dokrell, drejtor i qendrës për hulumtime. Dokrell ka theksuar se kurrë nuk është vonë ta ndërprisni duhanin, por sa më parë, aq më mirë. /reuters/