Miqësia përcaktohet nga gjenet

nga **Ditta** Tue Jan 18, 2011 5:54 pm

Kërkuesit në Shtetet e Bashkuara të Amerikës deklaruan se zbuluan një
lidhje midis gjeneve dhe zgjedhjeve të miqësisë që bëjmë në moshë të
rritur.

Lajmi u botua ditën e sotme në “Journal of Science”. Duke përdorur dy
studime të veçuara, u zbulua se një gen që ndikon në alkoolizmin,
gjithashtu bën që sjellja të jetë më miqësore dhe e hapur ndaj të
tjerëve.

Një tjetër gen, i cili përcakton veprimtaritë metabolike të trupit, ndikon në një sjellje shmangëse dhe më të veçuar.

Ajo që shkencëtarët nuk dinë, është nëse këto lloj sjelljesh
interpretohen në ndonjë mënyrë si një mjet mbrojtës i trupit. Lidhja
është ende e paqartë.

Njëkohësisht, kërkuesit zbuluan se partnerët shmangnin parnerët që
kanë të njëjtat sëmundje dhe kjo gjithashtu lidhet me një refuzim që ka
origjinën tek gjenet.