Nora: Nuk e teproj me veshje

nga **Rreze** Thu Jan 20, 2011 8:02 am

Përveç muzikës dhe paraqitjeve të saj në këtë aspekt, këngëtarja Nora Istrefi thotë se një rëndësi të veçantë në këtë drejtim ka edhe veshja. Gjithnjë duket ndryshe nga prezantimi i saj paraprak, ndërsa përveç ideve personale për veshjet që ajo bartë, Nora shpesh konsultohet edhe me miqtë e saj, siç janë Flutura, Krenare Rugova e Valdrin Sahiti.

“Si zakonisht, edhe në paraqitjet e radhës, sigurisht që do të vij me pak ndryshime, por jo t’ia teprojmë shumë. Zakonisht për veshjen time kujdesëm vetë, por sigurisht që konsultohem edhe me të tjerët. Shumë nga paraqitjet e mia janë ide të mia, por gjithmonë më ndihmojnë edhe kolegët e mi Valdrin Sahiti, Krenare Rugova e Flutura”, tregon Nora për “Infopress”, ndërsa bën me dije se me shumë qejf do të angazhohej edhe në profesionin e saj si dezajnere, për çfarë edhe ka studiuar, por angazhimet në muzikë ia pamundësojnë një gjë të tillë.