Apel shoferëve për kujdes

Pas ndryshimeve të fundit atmosferike, policia u bën thirrje qytetarëve për vigjilencë gjatë pjesëmarrjes së tyre në trafik, në mënyrë që të evitohen aksidentet e mundshme që mund të vijnë për shkak të kushteve më të vështira pas të reshurave të borës dhe motit të ftohtë. Policia u bën thirrje qytetarëve që të jenë të pajisur edhe me pajisje dimërore. Zëdhënësi i policisë, Baki Kelani ka bërë të ditur se në akset rrugore Pejë - Kullë, Gjakovë - Qafë e Prushit, Doganaj - Brezovicë, Prishtinë – Mutivodë, si dhe akset e tjera rrugore ku priten vështirësi më të mëdha në qarkullimin e komunikacionit, do të ketë patrullim dhe kontroll më të shtuar të njësive të komunikacionit. Ndërkohë, rekomandohet respektimi i shenjave të komunikacionit për përdorimin e zinxhirëve në këto segmente të rrugës për automjete, ka thënë Kelani.