Si të mbrojmë sytë nga ekrani i kompjuterit

nga **Ditta** Sun Jan 23, 2011 7:12 am

Sytë mund të dëmtohen duke kaluar ditë të tëra përpara ekranit të
kompjuterit apo televizorit, ndotja e ambientit që vjen nga të gjithë
agjentët atmosferikë, ajri i kondicionuar, alergjitë, diabeti, madje së
fundmi edhe nga sëmundjet reumatike.
Pasoja është një dhe e vetme: irritim dhe skuqje e syve
Nëse bezdisja është vazhdueshme, shfaqet dhe zhduket me përpikëri,
pacienti duhet të bëjë medoemos një vizitë te specialisti. Janë disa
mënyra se si mund t’i mbrojmë sytë nga ekrani i kompjuterit: sfondi
përtej ekranit nuk duhet të jetë asnjëherë krejt i errët, nuk duhet të
ketë reflekse në ekran,
kontrasti dhe drita e ekranit duhet të rregullohen në vlera mesatare,
ekrani duhet të jetë rreth 50-60 centimetra larg syve, mundësisht të
përdoret filtër për ekranin kundër reflekseve, gjatë punës para
kompjuterit është mirë që disa herë në orë të shkëputet shikimi për
rreth një minute, sytë të rrotullohen në ambientin përreth ose të paktën
çdo një orë të bëhet një pushim prej 15 minutash.