I ngordh qeni, vret veten britaniku

Një 44-vjeçar anglez i quajtur Steven Anderson vari veten, pasi u detyrua të çonte qenin e tij tek veterineri për një injeksion vdekjeprurës, raportoi gjatë ditës e përditshmja “The Sun”.

Shofer kamioni, Anderson u gjet i varur në një pemë pranë shtëpisë së tij, me trupin e pajetë të qenit 7-vjeçar, pranë vetes.

Një mik i tij tha: “Qeni ishte gjithçka për të, ishte si një familje. Është e qartë se ai nuk e përballoi dot dëshpërimin e humbjes së kafshës dhe se e pati të pamundur të konceptonte jetën pa të. Ai ishte aq i dashuruar pas qenit, sa në çdo gjë që bënte shoqërohej prej tij”.

Kafsha ishte sëmurur përpara pak kohësh nga një sëmundje e pashërueshme dhe një injeksion vdekjeprurës ishte e vetmja mënyrë për t’i kursyer disa javë dhembje, përpara vdekjes së pashmangshme.