Xhenifer Aniston i viziton jetimoret meksikane

Xhenifer Aniston ka kohë që planifikon ta adoptojë një fëmijë. Edhe pse një informatë e tillë ka kohë që qarkullon nëpër qarqet e Holivudit, aktorja demanton gjithçka që ka të bëjë rreth adoptimit të një fëmije. Gjatë një interviste ajo kishte shprehur dëshirën që një ditë të bëhej nënë. Mirëpo, zëdhënësi i aktores kohë më parë kishte theksuar se aktorja nuk planifikon të adoptojë fëmijë nga jetimoret në Meksikë, edhe pse ajo së fundmi ishte parë atje. “Xheni nuk planifikon të adoptojë fëmijë nga Meksika, nuk ka rregulluar ndonjë dhomë të veçantë për fëmijë dhe nuk ka punësuar një dado”, ka deklaruar zëdhënësi i aktores.