Zemërimi e rritë motivimin?!

Ndjenja
specifike e zemërimit, sipas studimeve të reja psikologjike, nuk është
as negative dhe as pozitive dhe ajo do ta rrisë motivimin nëse qëllimi i
fundit i saj nuk është dëmtimi i të tjerëve.
Zemërimi e rritë motivimin dhe nuk është gjithnjë ndjenjë negative. Kështu thonë studiuesit dhe psikologët e kësaj sfere.
Ndjenja specifike e zemërimit, sipas studimeve të reja psikologjike,
nuk është as negative dhe as pozitive dhe ajo do ta rrisë motivimin nëse
qëllimi i fundit i saj nuk është dëmtimi, apo vuajtja e njerëzve të
tjerë. Skanimi i trurit ka treguar sesi njerëzit përjetojnë ndjenjat e
ndryshme. Për shembull, nëse ndjehemi më humor të mirë, atëherë do të
aktivizohen regjionet e trurit në anën e majtë, kurse ndjenjat negative
sikur mundimi dhe depresioni do të shkaktojnë aktivitet në anën e
djathtë.


Ndjenjë negative apo pozitive?

Megjithëse, përgjigjja në atë se a është zemërimi ndjenjë pozitive,
apo është e kundërta, pra ndjenjë negative nuk është e thjeshtë, meqë
derisa literatura psikologjike e klasifikon zemërimin si ndjenjë
negative, skanimi i trurit thotë ndryshe.
“Zemërimi është ndjenjë specifike, meqë aq sa është negativ konteksti
i tij, nga ai mund të dalin gjëra të mira, të cilat na motivojnë, që të
bëjmë veprime dhe hapa shumë të rëndësishëm drejt së ardhmes më të
sigurt, e të cilat na gëzojnë dhe na bëjnë që të jemi më të mirë sesa të
tjerët”,– thotë udhëheqësi i studimit, psikologu Henk Aarts.
Në një studim të realizuar në një nga institutet e njohura në
Holandë, shkencëtarët u kanë treguar pjesëmarrësve në studim fotografi
të ndryshme, me qëllim që t’u shkaktojnë ndjenja të llojllojshme, e më
pas me anë të rezonancës magnetike kishin incizuar trurin, në mënyrë që
të shihnin reagimin e tij.
Rezultatet e studimit kanë treguar se, fotot që shkaktonin zemërim,
motivonin njerëzit, me ç’rast vinte edhe deri te përzierja e ndjenjave
pozitive. Zemërimi mund të jetë stimulues vetëm nëse nuk është i
dhunshëm. Kështu, studimet kanë treguar se, sikur edhe në ndeshjet
sportive, nëse udhëheqësi i ekipit është i zemëruar, ai më lehtë motivon
lojtarët e tij dhe kështu ndikon në ngjalljen e dëshirës për fitore.