Microsoft shiti 8 milion Kinect brenda 60 ditëve

Microsoft ka paraqitur rezultatet e fitimit, në të cilat ka
konfirmuar se ka shitur më shumë se 8 milion njësi Kinect brenda një
periudhe prej vetëm gjashtë ditësh.
Në rezultatet e prezantuara u tregua për një shumë të hyrash prej
19.95 miliard dollarë, që është një rritje prej 5 për qind në krahasim
me vitin e kaluar. Ndërsa të hyrat operative dhe të hyrat neto për
çerekun e katërt kanë arritur në vlerën prej 8.17 miliard dollarë dhe
6.63 miliard dollarë, një rënie prej 4, gjegjësisht 0.4% në krahasim me
të njëjtën periudhë të vitit të kaluar.

“Ne jemi të emocionuar rreth reagimit të konsumatorëve drejt
renditjes sonë të produkteve për festat e fundvitit, duke përfshirë edhe
lansimin e Kinect. 8 milion njësi të shitura të Kinect, brenda vetëm 60
ditëve kanë tejkaluar edhe parashikimet tona. Hapi i shpenzimit brenda
biznesit, në kombinim me kërkesën e konsumatorit, shtyjnë prezantimit të
një çereku më të mirë për kompaninë tonë” tha CFO i Microsoft, Peter
Klein.

Megjithatë të hyrat për divizionin e Windows kanë pësuar një rënie,
në 29.7% përkatësisht në një vlerë prej 5 miliard dollarë. Profitet
operative gjithashtu kanë pësuar një rënie në rreth 2 miliard dollarë,
edhe pse më shumë 20% e kompjuterëve të botës besohet se kanë tani të
instaluar Windows 7.