Angry Birds si Super Mario?

nga **● E.D.W-M ●** Sat Jan 29, 2011 2:56 pm

Nuk ka mundësi që të shkojë një ditë, pa u përmenduar loja e famshme Angry Birds, nga dikush prej nesh. Të premten është paralajmëruar edhe versioni i ri i lojës – Angry Birds Rio.

Adhuruesit e Angry Birds në Twitter shpërndajnë video dhe fotografi të ëmbëlsirave të cilat i dekorojnë me figurat e lojës së famshme.

Në YouTube, prindërit postojnë video të fëmijëve të tyre që luajnë Angry Birds në pajisje të ndryshme që ata posedojnë.

Edhe shfaqjet e ndryshme sikur ajo e Conan O’Brien nuk kalon pa huazuar ndonjë shaka, pjesë e së cilës janë edhe karakteret e Angry Birds.

Në krahasimin që mediat e ndryshme i kanë bërë lojës, thuhet se popullariteti i kësaj loje po arrin përmasat e Pac Man, mirëpo themeluesit e biznesit “Rovio” i cili qëndron prapa “zogjëve të inatosur” thonë se një krahasim me video-lojën legjendare Super Mario është një krahasim më me vend, kur kihet parasysh popullariteti në rritje që loja po merr në mbarë botën.