S’ka më adresa në internet?

nga **● E.D.W-M ●** Sun Jan 30, 2011 1:30 pm

Bota tashmë ka nisur distribuimin e adresave të fundit të internetit, për të cilat thuhet se mund të shpenzohen deri në fund të këtij viti.

Pesë agjencione regjionale në botë në ditët dhe muajt në vijim pritet se do t’i shpërndajnë blloqet e fundit prej 16 milionë adresave të mbetura në internet.

Këto adresa të internetit thuhet se do të shiten deri në muajin shtator të vitit 2011, thotë një raport i BBC’së.

Sipas këtij raporti, thuhet se interneti bazohet në protokolin e katërt, i cili ka një numër të kufizuar të adresave, përkatësisht mund të shpërndajë deri në 4 miliardë adresa në internet.

Gjatë krijimit të këtij protokoli, mendohej se bota nuk do të ketë nevojë për më shumë adresa të internetit, mirëpo shtrirja e gjerë dhe bumi që po ndodh në internet, po i shpenzon të gjitha këto resurse dhe mundësi në rrjetin global të komunikimit.