Si të hiqni dorë prej cigares?

Dëshironi ta lini cigaren, por nuk dini si ta bëni një gjë të tillë. Ekzistojnë mënyra të ndryshme, duke filluar nga uji i ngrohtë, çamçakëzët me nikotinë, çajet, ilaçet, hipnoza, këshillat... Të gjitha dallojnë, por e gjitha varet prej vullnetit.



Uji i ngrohtë

Të gjithë e dinë fshehtësinë e vjetër se kur dëshironi të hiqni dorë nga duhani, atëherë kur mendoni se keni nevojë ta ndizni cigaren, konsumoni ujë të ngrohtë. Sipas mjekëve, secili që në gojë për dy apo tre minuta mban ujë të ngrohtë, e më pas e përpin, pas 10 deri 12 ditë do të harrojë duhanin.



Çamçakëzët

Për një kohë të gjatë në barnatore mund të gjenden sakëza me nikotinë të ashtuquajtura - “nikorete”. Janë mjaft të mira për ata që duan të heqin dorë nga cigarja, apo për ata që nuk duan të tymosin në punë. Posa ta kafshoni, lirohet nikotina dhe ju jini më të qetë. Mjafton ta përtypni dy apo tri herë, e më pas ta mbani në një kënd të gojës, në mënyrë që të lirohet edhe më tepër nikotinë. Pas 20 minutave, kur të shfaqet nevoja për nikotinë, e përtypni dhe në këtë mënyrë do të mund ta largoni ndjenjën.



Çaji “Kirkin”

Mënyrë e mirë për ta shmangur duhanin është edhe çaji “Kirkin”. Ky çaj konsumohet nga një gotë në mëngjes, gjatë ditës dhe në mbrëmje. Nëse ndjeni dëshirë për një cigare, konsumojeni këtë çaj dhe dëshira për cigare do të largohet.



Leukoplasti me nikotinë

Ky lloj leukoplasti është një lloj terapie, ngase në vete përmban nikotinë. Përdoret në atë mënyrë duke e ngjitur për trupi dhe mbahet gjatë gjithë ditës deri në mbrëmje. Koha e përdorimit nuk është e kufizuar, e gjitha varet prej pacientit, nëse dëshiron ta mbajë pesë ditë apo një muaj. Rreth 10 deri 15% e njerëzve në këtë mënyrë heqin dorë nga duhani. /reuters/