Në gjumë mbahet mend më mirë?

Mënyra më e mirë që një këngë e sapo mësuar apo zgjidhja e detyrave matematikore është që nëse gjatë mësimit flini pak, theksojnë shkencëtarët të cilët edhe vetë kishin mbetur të habitur nga ky zbulim. Shkencëtarët gjermanë kanë vërtetuar se truri gjatë gjumit shumë më mirë u reziston “dëmtimeve” të informatave të freskëta.

Hulumtimet paraprake kanë treguar se informatat e freskëta nuk pranohen menjëherë. Po ashtu është e njohur se riaktivizimi i këtyre informatave, jo në gjumë, por gjatë dhe pas mësimit të tyre, kanë një rol kyç në vendosjen afatgjate në neokorteks, apo si quhet ndryshe edhe “hard disku“ i trurit.



Transmetimi i shpejtë i të dhënave

Gjatë këtij hulumtimi kishin marrë pjesë rreth 24 vullnetarë, që kishin provuar të mbajnë pjesë 15 lloj letrash me fotografi. Pas 40 minutave, gjysma e të anketuarve kishin shkuar në gjumë, përderisa të tjerët kishin marrë edhe 15 lloje të letrave me fotografi më të ndryshme. Pas pushimit, edhe grupi i dytë kishte marrë të njëjtën detyrë. Pas kësaj, anëtarët e të dyja grupeve duhej të tregonin atë që kishin mbajtur mend nga detyra origjinale. Për befasi të shkencëtarëve, grupi i cili kishte fjetur kishte arritur rezultate më të mira, duke mbajtur mend 85 për qind të letrave, përkundër 60 për qind të grupit që kishin qëndruar zgjuar. Në bazë të incizimeve CT, arsyeja për një rezultat kaq befasues ishte pasi që në minutat e parë të gjumit kishte filluar transmetimi i të dhënave në neokorteks, ka deklaruar njëra prej autoreve të hulumtimit, Suzan Dikelman nga Universiteti në Libeku. /reuters/