Një gotë verë është vrasës i qetë?

A u takoni atyre njerëzve që nuk konsumojnë alkool gjatë ditëve të punës, por gjatë vikendit dëshironi të relaksoheni me një gotë verë? Me sa duket, kjo sjell më shumë dëm se dobi.

Në një studim kontrovers në Tuluz të Francës ishin krahasuar shprehitë e pijes te meshkujt e moshës së mesme në Francë dhe Irlandën e Veriut. Francezët kishin konsumuar më shumë - rreth 30 njësi në javë, por irlandezët që brenda javës kishin konsumuar rreth 22 njësi dy herë më shumë ishin të rrezikuar nga përjetimi i sulmit në zemër. Disa do të thonë se kjo vjen si rezultat, pasi francezët ushqehen më mirë. Në të vërtetë, ishte vërtetuar se francezët që kishin marrë pjesë në hulumtim kishin shtypje më të lartë të gjakut, disa prej tyre diabet dhe nivel të rritur të kolesterolit. Dallimi kryesor ishte se francezët kishin konsumuar më shpesh, por në sasi më të vogla gjatë gjithë javës, që e kishte mbrojtur zemrën e tyre. Sasinë e njëjtë irlandezët e kishin konsumuar vetëm gjatë vikendit. Për femra, konsumimi jo i dëmshëm është një gotë e gjysmë brenda ditës, por çdo gotë tjetër do të përbënte rrezik për shëndetin, përderisa për meshkujt mjaftojnë rreth pesë gota.



Çfarë është aq e dëmshme brenda një gote të verës?

Njëra nga rreziqet është bllokimi i artereve. Kur trupi ngopet me alkool, liron kemikalen “acetaldehid”, që shkakton ngjitjen e qelizave të bardha të gjakut për muret e enëve të gjakut. Po ashtu, hulumtimet paraprake vërtetojnë se sasitë e larta të konsumuara të alkoolit e shtojnë nivelin e yndyrave të brendshme. Pra, mu këto yndyra shkaktojnë sëmundjet e zemrës dhe disa forma të kancerit. Pa marrë parasysh, nuk do të duhej ta konsumonit, edhe nëse u përmbaheni kufijve. Hulumtimet tregojnë se dy ditë brenda javës pa alkool janë shumë të shëndetshme. Në të vërtetë, konsumimi i alkoolit udhëheq drejt dëmtimit dhe shkatërrimit të mëlçisë, që po ashtu mund të ju vrasë. /reuters/