Riktheni besimin e saj

Besimi në mes partnerëve është kyç për një lidhje stabile, pasi
mungesa e tij do t’ju shkaktojë një makth të vazhdueshëm, ku ju gjithnjë
do të ndiheshit në frikë dhe dyshime.
Besimi është mënyra për të qenë të sigurt se lidhja juaj mund t’i
tejkalojë edhe vështirësitë më të mëdha që mund t’ju paraqiten. Humbja e
besimit në mes partnerëve, mund të çoj në ndërprerjen e një lidhje, dhe
për rikthimin e saj, duhet angazhim i dyanshëm. Të gjithë mund të
gabojmë ndonjëherë dhe nëse e dashura juaj e ka humbur besimin tek ju
për atë shkak, duhet të përpiqeni që ta riktheni atë.
Megjithatë mos tentoni ta riktheni besimin e të dashurës suaj, kur
nuk jeni të përgatitur për t’ju përkushtuar tërësisht lidhjes suaj. Mos
e fajësoni të dashurën tuaj, për gabimet të cilat ju i bëni, por mësohu
të marrësh përgjegjësi për veprimet tuaja. Mundohuni t’i kuptoni
ndjenjat e saj. Ajo mund të ndjehet e lënduar dhe e anashkaluar, kështu
që radha është të bisedoni më ndryshe me të.