Sony Ericsson prezanton modelin Xperia Pro

Sony Ericsson faktikisht ka arritur të mbajë larg vëmendjes së mediave botërore, modelin e saj më të ri të telefonit, i cili quhet Sony Ericsson Xperia Pro.
Sony Ericsson Xperia Pro është njëri prej modeleve të reja të telefonit i cili është paraqitur në Kongresin Botëror Mobil, i cili po mbahet aktualisht.

Ky model posedon një tastierë kompakte QWERTY, e cila rrëshqet ngjashëm me atë të serisë së këtij prodhuesi Xperia Play.

Për më shumë, në këtë model gjithashtu është vërejtur edhe versioni i personalizuar i Android 2.3, për të cilin thuhet se ka disa defekte, në të cilat Sony do të duhet të punojë edhe pak.

Megjithatë, Sony Ericsson Xperia Pro nuk është modeli i vetëm i telefonit i cili është parë nga ky prodhues, pasi që në të njëjtën ngjarje është raportuar edhe për modelin tjetër Sony Ericsson Neo, ndërsa detajet tjera lidhur me këta telefona do të keni rastin t'i mësoni sa më shpejtë që ato të zyrtarizohen nga prodhuesi. / Telegrafi /