HP Pre 3 – telefoni më i shpejtë në botë

Londër, 13 shkurt - Konferencën WebOS, HP e ka përmbyllur duke prezantuar dy telefona mobilë të rinj. Edhe pse deri tani shitja e këtyre pajisjeve, derisa kishin logon e dikurshme të Palm, nuk lulëzonte për shumë arsye, HP shpreson se me aparatet e reja do të kthejë përsëri këtë sistem operativ mobil në lojë në treg. Kurse telefonat janë interesantë dhe të pazakonshëm.
Sipas disave madhësia e vogël e telefonave të avancuar, siç është Veer, nuk është atraktive, sepse mendojnë që dimensionet mbysin përparësitë e vërteta të këtyre pajisjeve, dhe kjo është shumanshmëria. HP thekson se dimensionet e Veer janë të krahasueshme me kartelën e kreditit, kurse telefoni edhe më tutje ka tastierën slideout. Bazohet në procesorin Snapdragon 7230 me 800 MHz dhe thuhet se, sipas mundësive, nuk ngel prapa nga vëllezërit më të mëdhenj.
Siç është i posaprezantuari Pre 3 – i cili përmirëson mungesën më të madhe të paraardhësit – madhësinë e ekranit. Me diagonale prej 3,6 inçësh nuk është se do të zërë vend në listën e kampionëve botërorë, por megjithatë është më e mira deri tani nga PalmOS, posaçërisht që rezolucioni 800 x 480 është i përshtatshëm për Internet. Edhe ky model ka tastierën rrëshqitëse që del jashtë, ndërsa vihet në lëvizje nga procesori 1,4 GHz, që sipas të dhënave që kemi është procesor më i shpejti në ndonjë telefon mobil tani për tani. Do të ekzistojë në versionet CDMA dhe GSM, ndërsa do të fillojë të shitet në verë.
Të gjitha pajisjet e prezantuara me webOS janë të pajisura me versionin më të ri të këtij sistemi operativ dhe veçanërisht interesant është funksioni Tap to Share, me të cilin mes vete mund të këmbejnë përmbajtjet si web lindem, etj.