Filloi prodhimi i iPad të ri

http://www.koha.net/repository/images/13-iPad4.gif

New York, 13 shkurt - Sipas “The Wall Street Journal”, Apple ka filluar prodhimin e versionit të ri të tabletit të vet iPad.
Tableti i ri i kësaj kompanie do të ketë procesor më të shpejtë dhe kamerë të integruar për video konferenca, por do të ketë ekran me rezolucion të njëjtë sikurse edhe modeli i parë, thuhet në njoftim. Po ashtu theksohet që modeli i ri i iPadit në SHBA do të duhej të shitej përmes partnerëve ekzistues, pra AT&T dhe Verizon Wireless, me çka sugjerohet që do të mund të përkrahen të dy standardet konkurrente për rrjetet mobile, përkatësisht GSM dhe CDMA. Por nuk ka informata se kur do të paraqitet në shitje iPadi i ri dhe me çfarë çmimi.
Natyrisht, si gjithmonë, përfaqësuesit e Apple nuk deshën t’i komentonin këto thashetheme.