Zbulohet perandoria e Abramovich-it (Foto)

nga **Rreze** Sat Feb 19, 2011 9:46 am

Ai zotëron klubin e futbollit Chelsea, ka shtatë vila vetëm në Britaninë e Madhe dhe 22 llogari bankare në Rusi.
Megjithatë, kjo është vetëm një pjesë fare e vogël e pasurisë së multimiliarderit rus, Roman Abramovich.
Pasuria e tij e jashtëzakonshme u mësua për herë të parë në mënyrë të detajuar, pasi manjati i çelikut u detyrua të bënte deklarimin e pasurisë, në bazë të ligjeve antikorrupsion të Rusisë, pas paraqitjes së kandidaturës për t’u zgjedhur në parlamentin rajonal të Çukotkës.
Abramovich zotëron shtatë vila dhe një apartament në Britaninë e Madhe, katër vila në Rusi, dy në Shtetet e Bashkuara të Amerikës dhe tre në Francë, raporton Top Channel.
Njëra prej tyre ka vlerë 150 milion dollarë. Nga deklarata mësohet se ai ka edhe 72 milion paund lekë xhepi, të cilat i mban në llogaritë rrjedhëse bankare.
Në këtë pasuri marramendësi nuk përfshihet flota personale e Abramovich-it, e përbërë nga një superjaht, avionë personalë dhe helikopterë.
Ai pagoi 50 milion paund nga xhepi i tij, për blerjen e Fernando Torres-it, ndërsa klubi i Chelsea-s është shndërruar në “cirkun” personal të multimilarderit.
Vlera totale e pasurisë së një prej njerëzve më të pasur në botë llogaritet të jetë midis 12-18 miliardë dollarëve, por me deklarimin e fundit të pasurisë, mund të bëhet një korrigjim, me Abramovich-in që mund të zotërojë mbi 20 miliardë dollarë.
Nëse shifrat konfirmohen, pasuria e Abramovich-it do të jetë ekuivalente me Prodhimin e Brendshëm Bruto të Shqipërisë në një vit, apo shtatë herë më e lartë se buxheti vjetor i shtetit. /tch/

Zbulohet perandoria e Abramovich-it (Foto) Images-stories-abra1-270x171

Zbulohet perandoria e Abramovich-it (Foto) Images-stories-abra2-270x155

Zbulohet perandoria e Abramovich-it (Foto) Images-stories-abra4-270x183

Zbulohet perandoria e Abramovich-it (Foto) Images-stories-abra3-270x177