Tre në pranga për posedim droge

Policia e Tiranës sekuestroi në orët e para të mëngjesit të së shtunës një sasi prej 30 kilogramë drogë e dyshuar të jetë cannabis sattiva, e ndarë në pako.

Operacioni i koduar “Kufiri Ndarës II” përfundoi me arrestimin e tre shtetasve, si posedues të lëndë narkotike. Në pranga ranë Gjergji Qose (38), banues në Tiranë, Genci Zekolli (44), banues në Tiranë, si dhe Ylli Kazazi (54), banues në Tiranë.

Kjo sasi e konsiderueshme lënde narkotike dyshohet se kishte destinacion, trafikimin dhe më pas shpërndarjen në Tiranë, e vendet fqinje me Shqipërinë, e cila në momentin e sekuestrimit u gjend e ndarë në disa qese.

Gjatë kontrollit të banesës së ndodhur në rrugën “Sulejman Delvina” në Tiranë, u gjet dhe u sekuestrua sasia e drogës. Policia sqaroi se operacioni vazhdon intensivisht për të zbuluar rrjetin e trafikut. /Telegrafi/