Makina bie nga kati i 6 mbijeton shoferja!

Drejtuesja e një automjeti ka mbijetuar për mrekulli pas rënies nga kati i gjashtë i një parkingu bashkë me makinën e saj, e cila përfundoi e ngecur mes mureve të parkingut dhe ndërtesës ngjitur, bënë të ditur dëshmitarë dhe shërbimet e ndërhyrjes së shpejtë në rajonin e Melburnit.
”Drejtuesja e automjetit rreth të dyzetave doli e gjallë nga makina gjysmë ore pas rënies nga lartësia prej 30 metrash. Ajo ka pësuar disa plagë në kokë, por gjendja është e qëndrueshme”, saktësoi Paul Bentley, zëdhënës i shërbimit të ambulancave në shtetin e Viktorias.
“Vendi i aksidentit është i frikshëm. Mjafton ta shohësh, nuk e kuptoj vërtet sesi mundi të dalë”, deklaroi Michael Rockefeller, një dëshmitar për gazetarët.
“U duk sikur u përplas një kamion. Zhurma zgjati 5-6 sekonda”, shtoi ai.