Busta Rhymes anulon koncertin

Hip-hop artisti amerikan nuk do të këndojë në Prishtinë më 29 prill. Busta Rhymes ka anuluar të gjitha datat e turneut të tij në Evropë.
Organizatorët në Prishtinë thonë se janë duke kërkuar një datë të re, por nuk e kanë të konfirmuar zyrtarisht.

“Na ka ardhur si dush i ftohtë. Kur jam zgjuar në mëngjesin e së martës e kam parë emailin, dhe kaq”, ka thënë organizatori i koncertit, Drin Zatriqi, për gazetën “Koha Ditore”.

Sipas tij nuk janë dhënë as arsyet e anulimit, ndërsa ata thanë se do të kërkojnë llogari nga menaxherët e tij se pse ka ardhur deri te ky anulim. Sidoqoftë organizatorët thonë se do të kërkojnë datë tjetër për organizimin e koncertit.