Irani i mohon akuzat e Obamas

Ministria e jashtme e Iranit i ka mohuar akuzat e presidentit amerikan Barack Obama se Damasku e ka kërkuar ndihmën e Teheranit për t’i shtypur protestuesit në Siri.
"Ne i hedhim poshtë këto deklarata. Politika jonë e jashtme është shumë e qartë, ne nuk ndërhyjmë në punët e brendshme të një shteti tjetër", citohet nga të ketë thënë zëdhënësi i ministrisë, Rahmin Mehmanparast, ndërsa raporton Radio Evropa e Lirë.

Duke folur për shtypjen e përgjakshme të protestave të djeshme në Siri, Obama tha se presidenti sirian Bashar Asad po e kërkon ndihmën e Iranit për t'i shtypur qytetarët e vet përmes taktikave të njëjta brutale që janë përdorur nga aleati i tij, Irani.