Shenjat e fshehta të dobësimit të imunitetit

Vlerësojeni se sa i fortë është imuniteti juaj, duke lexuar shtatë shenjat e dëmtimit të imunitetit dhe mësoni se çka duhet bërë, në mënyrë që ta ruani shëndetin tuaj:



Sasitë e tepërta të sheqerit

Sasitë e tepërta të sheqerit nuk shkaktojnë vetëm mbipeshë. Një studim i botuar në revistën “American Journal of Clinical Nutrition” ka treguar se ata që konsumojnë 100 g sheqer (p.sh. tri kanoçe me pije të gazuara), për pesë orë pas konsumimit do të kenë leukocite me një aftësi më të vogël për të mbytur baktere.



Nuk konsumoni

ujë sa duhet

Ekziston arsyeja pse njerëzit e sëmurë kanë nevojë për më shumë lëngje. Organizmi ynë ka nevojë për sasi të mëdha të lëngjeve, që të mund të nxjerrë jashtë helmet. Se sa lëngje (ujë) duhet të konsumoni gjatë ditës, varet nga personi në person. Nëse urina juaj ka ngjyrë të verdhë të zbehtë, d.m.th se pini sasi të mjaftueshme të ujit.



Duhet të humbni

kilet e tepërta

Kilet e tepërta dëmtojnë zemrën, trurin dhe organet e tjera. Ato janë të dëmshme edhe për sistemin imunitar. Në fakt, është parë se personat me formën më të rëndë të gripit të derrit kanë një indeks trupor më të madh se 40, gjë që d.m.th se janë me mbipeshë ekstreme (obezitet). Kilet e tepërta mund të shkaktojnë çrregullim të ekuilibrit hormonal dhe inflamacione të cilat dobësojnë imunitetin.



Keni hundë të tharë

Shkuarja e hundës me gjasë ju nervozon, por ajo paraqet një mbrojtje të mirë nga ftohja dhe gripi. Sekrecioni i hundës robëron viruset dhe i nxjerr jashtë organizmit ato. Nëse thatësia e hundës është problem i përkohshëm, mund të përdorni pika të tretësirës fiziologjike, që i gjeni në barnatore, por nëse hunda juaj ka kohë që është e tharë, atëherë shkoni te mjeku për ta zbuluar shkaktarin.



Jeni nën një stres të madh

Sipas raportit të Shoqatës psikologjike amerikane, stresi i gjatë dobëson përgjigjen imunitare të organizmit. Përpos kësaj, nëse jeni nën stres derisa jeni me grip, atëherë do të vijë deri te përkeqësimi i simptomave.



Ftoheni shpesh

Kjo d.m.th se keni një imunitet të dobët. Personi i rritur gjatë sezonit të dimrit mesatarisht përjeton një deri në tri ftohje, të cilat zgjasin 3-4 ditë. Nëse ftoheni më shpesh, atëherë d.m.th se mbrojtja e organizmit tuaj është e dobësuar. Çka të bëni? Flini më shumë, ushtroni me rregull dhe përkujdesuni që në menynë tuaj të ketë pemë dhe perime të freskëta.